Nagpahigayon og joint naval exercises ang Philippine Navy ug Australian Navy sa habagatang-kasadpang bahin sa Lubang Island, Mindoro niadtong nakalabay nga adlaw, isip kabahin sa Exercise Alon 2025, ang pinakadakong edisyon sa maong pagbansay sukad kini gisugdan niadtong 2023.
Miapil sa drills ang BRP Jose Rizal (FF150) sa Pilipinas ug Her Majesty Australian Ship (HMAS) Brisbane (DDG41) sa Australia.
Lakip sa mga kalihukan ang pagbalhin sa personnel, anti-submarine operations, night sailing, ug communication drills nga nagtinguha nga mapalig-on ang interoperability, kaandam, ug kooperasyon sa maritime security sa duha ka nasod.
Sumala sa AFP, ang joint maneuvers maoโy timaan sa lig-on nga defense partnership sa Pilipinas ug Australia, ug sa ilang tumong nga palig-onon ang kalinaw ug kalig-on sa rehiyon.
Kapin 3,600 ka personnel gikan sa Pilipinas, Australia, Estados Unidos, ug Canada ang apil sa duha ka semanang pagbansay gikan Agosto 15 hangtod sa Agosto 29 sa Palawan ug Luzon, diin gipakita ang live-fire exercises, beach assault, ug dagkong airlift.
Samtang nagpadayon kini, nagpahayag ang Australia sa padayon nga suporta sa Pilipinas taliwala sa tensyon sa West Philippine Sea, ilabi na human sa insidente sa banggaan sa duha ka barko sa China samtang naggukod sa barko sa Philippine Coast Guard duol sa Scarborough Shoal.
via: Western Command
