𝐀𝐍𝐍𝐔𝐀𝐋 𝐌𝐀𝐍𝐃𝐀𝐓𝐎𝐑𝐘 𝐃𝐑𝐔𝐆 𝐓𝐄𝐒𝐓𝐈𝐍𝐆 𝐒𝐀 𝐓𝐀𝐍𝐀𝐍𝐆 𝐎𝐏𝐈𝐒𝐘𝐀𝐋 𝐋𝐀𝐊𝐈𝐏 𝐀𝐍𝐆 𝐏𝐀𝐍𝐆𝐔𝐋𝐎 𝐆𝐈𝐒𝐀𝐍𝐆-𝐀𝐓

Nisang-at og balaodnon si Senador Robinhood Padilla nga nag-require sa tanang public officials, lakip na ang presidente sa Pilipinas, nga mopailawom sa tinuig nga mandatory drug testing.

Ang pagsang-at sa balaodnon sa senador dungan sa pag-resign ni Nadia Montenegro isip political affairs officer VI sa iyang buhatan.

Ubos sa Senate Bill No. 1200, o ang gisugyot nga “Drug-Free Government Act, nga nagtinguha sa pag-amendar sa Republic Act 9165 o Comprehensive Dangerous Drugs Act of 2002, magmando sa tinuig nga hair follicle drug test sa tanang opisyal sa gobyerno, gikan sa mga lokal nga opisyal ngadto sa mga nadistino sa government-owned and controlled corporations (GOCCs).

Gawas sa tinuig nga drug test, giawhag usab ang mga kandidato nga mopailawom sa voluntary random drug testing sulod sa 90 ka adlaw sa dili pa ang adlaw sa piniliay.

Kun magpositibo sa paggamit og ilegal nga drugas ang usa ka opisyal, mahimong basehan kini sa kasong administratiba nga mahimong masuspenso o matangtang pa sa katungdanan.

Photo Credits: Senate of the Philippines