Nipahimangno ang Department of Social Welfare and Development (DSWD) batok sa sayop nga paggamit sa hinabang, partikular sa sugal, nunot sa gihingusgan nga kampanya sa gobyerno batok sa mga aktibidad nga makaapekto sa kaayohan sa mga kabus nga pamilya.
Sa memorandum nga giluwatan kagahapon Lunes, Agosto 18, si DSWD Secretary Rex Gatchalian nimando sa tanang nagpatuman sa mga programa sa ahensya sa pagpahinumdum sa mga benepisyaryo nga ang hinabang salapi nga gihatag alang lamang sa mga batakang panginahanglan, sama sa pagkaon, tambal, edukasyon, ug balay.
Gimando usab ni Gatchalian ang mas estrikto nga monitoring nunot sa pag apod-apod sa mga hinabang, ug ang hinanaling pagtubag sa mga reklamo bahin sa sayop nga paggamit sa pundo.
Miingon ang opisyal nga kadtong bisan kinsa nga benepisyaryo nga masakpan nga naggamit sa tabang alang sa sugal, pisikal man o online mahimong tangtangon sa programa ug mawad-an sa katungod sa pagdawat sa bisan unsang umaabot nga tabang sa gobyerno.
source: PNA
