Usa ka makasaysayanong lakang aron masulbad ang kakulang sa yuta, gimugna sa Singapore ang unang naglutaw nga high-security correctional facility sa tibuok kalibutan, nga nagtimaan og bag-ong standard sa prisohan ug rehabilitasyon.
Ang pasilidad nga nahimutang 500 metros gikan sa baybayon makahimog pagdawat ug labaw sa 2,000 ka mga preso, nga bantayan pinaagi sa AI surveillance, biometric security, ug robotic patrols.
Dili sama sa tradisyonal nga prisohan, wala kini mga rehas ug kural, kondili nagsalig sa pinakabag-ong teknolohiya aron masiguro ang kahapsay ug kaluwasan.
Apan dili lang kini usa ka prisohan sa dagat sangit gilantaw kining usa ka floating rehabilitation center, diin adunay in-cell learning modules, online counseling, ug vocational training programs aron matabangan ang mga preso nga makabalik sa katilingban nga adunay bag-ong kahanas ug panglantaw.
Pinaagi niini, gipalig-on sa Singapore ang iyang dungog nga pangulo sa technological ug futuristic nga solusyon, ug posible nga kini mahimong modelo alang sa uban pang nasud nga nangita og balanse sa seguridad, inobasyon, ug makatawhanong rehabilitasyon.
via: SNP Ship Management Private Limited
