Nag trending karon sa China ang mga batan-on ug hamtong nga naggamit og tsupon (pacifier) aron makunhuran ang ilang stress, tungod sa usa ka katingad-an nga kalamboan nga nagpakita sa presyur sa modernong kinabuhi.
Kining talagsaong uso, nga dali ra usab mikaylap sa ubang nasud, nakapukaw sa atensyon sa publiko ug mga eksperto sa pangisip.
Nahimong popular ang maong kalihokan human makita sa mga social media platforms ang daghang batan-ong Intsik nga naggamit og tsupon, dili lang sa balay kondili apil na sa mga pampublikong dapit.
Matud pa sa mga misunod niini, naghatag kini og dakong kahupayan ug usa ka simple nga paagi sa pag-ikyas gikan sa kabug-at sa trabaho, problema sa pinansyal, ug komplikadong relasyon.
Sumala sa mga psychologists, kining maong uso mahimong may kalabotan sa gitawag nga “regression phenomenon,” usa ka psychological response diin ang usa ka tawo mobalik sa iyang batan-on nga pamatasan aron maagian ang sobrang stress.
Gihulagway nila ang tsupon isip usa ka simbolo sa kahupayan ug seguridad, nga nakapahinumdom sa pagkabata diin ang mga problema mas simple pa.
Bisan kung sagad kataw-an, para sa mga naggamit niini, ang tsupon dili lang usa ka dulaan sa bata.
Kini usa ka yano apan epektibo nga paagi aron makapahuway ug makabawi gikan sa kakapoy sa adlaw-adlaw nga kinabuhi.
Nagpakita usab kini sa panginahanglan sa mga batan-on og usa ka outlet sa ilang gibati, labi na sa usa ka kalibutan nga padayon nga naghatag og pressure.
photo credits:douyin
