Gigahinan ug pondo sa Department of Social Welfare and Development (DSWD) ang pagpalambo sa tulay sa may Barangay Pisompungan Midsalip Zamboanga del sur.
Personal nga gibisita ang lugar nga pagatukuran ug tulay ni Department of Social Welfare Development (DSWD) Secretary Rex Gatchalian aron masuta ang sitwasyon sa lugar.
Matud ni Secretary Gatchalian, ang nasangpit nga proyekto nunot sa nag viral nga post sa social media sa usa ka principal sa Pisompungan Integrated School.
Kahinumduman, sa nakalabay nga bulan ang maong sapa na viral sa social media gumikan sa pagtabok sa mga kabataan taliwala sa baha aron lang makaabot sa tulunghaan.
Sa maong pamaagi, nakaabot sa Office of the President ang nasinatian nga kalisud sa residente hinungdan dali kini nga gihatagan ug aksyon pinaagi sa paggahin ug pondo sa DSWD KALAHI CIDSS.
