Giablihan na sa gobyerno ang P20 rice program sa 18 ka National Food Authority (NFA) warehouse sa lain-laing bahin sa nasod. Kini alang sa mga mag-uuma nga buot mupalit ug bugas.
Sumala sa Department of Agriculture (DA), matag NFA warehouse magbutang ug Kadiwa Kiosk diin ipagawas ang ibaligya nga bugas. Mamahimong nga molinya ang mga konsumidor sa maong kiosk aron mopalit sa bugas nga ibaligya sa presyo nga P20 matag kilo.
Magsugod ang pagbaligya alas-9 sa buntag ug magpadayon hangtod sa hapon. Rehistrado nga mga mag-uuma ug farm worker lamang nga narehistro sa Registry System for Basic Sectors in Agriculture (RSBSA) ang kwalipikado nga mopalit niini, base sa gi-issue nga patakaran sa DA.
Makapalit ang kwalipikadong mag-uuma hangtod napulo (10) ka kilo sa bugas matag bulan. Pwede usab sila mopalit hangtod 50 kilos o lima ka bulang alokasyon sa usa ra ka pagbayad kung mao kini ang ilang pilion nga pamaagi.
Kinahanglan lamang ipakita ang ilang RSBSA ID o QR Code sa mga verifier, uban sa usa ka valid ID.
via: Shena Turno
