Gipasidunggan ang Municipal Government of Lantapan, Bukidnon, isip Best Local Government Unit sa Municipal Category atol sa 124th Police Service Anniversary Celebration nga gipahigayon sa Philippine National Police (PNP) Grandstand, Camp Brigadier General Rafael T Crame, Quezon City, Agosto 12, 2025.
Ang kalihokan uban sa temang “Pulisya, Bantayog ng Bayang Matatag,” nagsaulog sa talagsaong kontribusyon sa PNP uniformed ug non-uniformed personnel, Local Government Units, ug partner nga mga institusyon sa pagpatunhay sa kaluwasan sa publiko ug kaayohan sa komunidad.
Gidawat ang maong plaque of recognition sa ngalan sa Municipal Government sa Lantapan ni Mayor Ricky James D. Balansag.
Ang Lantapan gihukman isip Best LGU sa Municipal Category tungod sa epektibong kalinaw ug kahapsay ug public safety governance, impactful crime prevention ug community safety programs, comprehensive drug demand reduction ug anti-illegal drug initiatives, lig-on nga pagpatuman sa community and service-oriented policing, ug full support sa PNP flagship programs, law enforcement operations, ug capability development.
Si PBGEN ROLINDO M SUGUILON, Regional Director, PRO 10, midayeg usab sa Lantapan sa talagsaong pakigtambayayong niini sa pagpatuman sa balaod.
via: RCADD PRO 10
