Nakahatag ug pagdayeg ug kalingawan ang usa ka lalaki sa Brazil human niini nahuman ang usa ka 8-kilometro nga lumba bisan hubog ug nagtsinelas lamang.
Giila ang lalaki nga si Isaque dos Santos Pinho, 31 anyos, taga-Garrafão do Norte, Pará, nga nahimong bida sa maong istorya. Matud pa nga gikan pa siya sa inom ug aduna pay hangover sa dihang miapil sa lumba niadtong Hulyo 27, 2025.
Bisan wala kini sa opisyal nga listahan, midiretso kini sa starting line ug midagan uban sa ubang mga runners. Nakita si Pinho sa drone footage ug live coverage nga nagdagan nga nagbara-bara.
Tungod niini, daghang mga netizen ang nangutana kung kinsa kini siya nga nagsuot lang og tsinelas ug walay training apan nakigtigi. Sa katapusan, nahuman gihapon ni Pinho ang 8-kilometro nga dagan.
Bisan dili kini opisyal nga myembro, gihatagan gihapon siya sa mga organizers og complementary medal isip pag-ila sa iyang determinasyon.
Gibutyag ni Pinho nga mag jogging lamang kini aron mahuwasan ang iyang hangover pinaagi sa pagpasingot apan wa niya damha nga sa lumba siya ma adto.
Nakapahimuot ang talagsaon ning pag-apil sa maong lumba ug mao ang nakapalipay sa mga tawo nga nakasaksi niini.
photo for illustration credits to: facebook.com
