Mikunhod sa 7.75% ang kinatibuk-ang gidaghanon sa krimen sa tibuok nasud base sa datos sa Philippine National Police, gikan sa Agosto 2024 hangtod Hunyo 2025.
Gipahayag ni PNP Chief Police General Nicolas Torre III nga ang maong pagminus nagpakita sa kaepektibo sa ilang mga anti-criminality operations ug sa pagpalig-on sa police visibility sa nagkalain-laing lugar.
Sumala ni Torre, adunay 177,235 ka kaso sa krimen nga natala karong tuiga, kumpara sa 196,677 ka kaso sa susamang panahon niadtong 2024. Gipasiugda usab sa PNP ang ilang malampusong kampanya batok sa ilegal nga droga.
Gikan sa tuig 2022 hangtod 2025, mikabat sa 153,609 ka anti-illegal drug operations ang gipahigayon sa kapulisan, nga miresulta sa pagkasikop sa kapin 190,568 ka mga indibidwal. Nasakmit ang kinatibuk-ang kantidad sa mga ilegal nga droga nga niabot sa kapin P54.6 bilyones.
Gisaad ni Torre nga magpadayon ang PNP sa pagpalambo sa ilang mga estratehiya ug operasyon aron masiguro ang kahusay ug kalinaw sa nasud, hilabi na sa pag-atubang sa mga nag-usab-usab nga pamaagi sa mga kriminal.
via: Bea Peniza
Photo credits:philnews.ph
