Nakadawat na sa Kamara ang 2026 National Expenditure Program gikan sa Department of Budget and Management (DBM) nga mokabat ug P6.793 trilyon, nga nagtumong nga padayonon ang momentum sa economic growth sa nasod.
Base sa 2026 National Expenditure Program (NEP) nga gisumite sa DBM sa Kamara, natala ang Top 10 nga departamento nga adunay pinakadako nga pondo.
Una niini ang Edukasyon (DepEd) nga adunay budget ngaP928.5 bilyon, Public Works (DPWH) sa P881.3 bilyon, Health (DOH ug PhilHealth) nga P320.5 bilyon, Defense (DND) nga P299.3 bilyon, DILG nga adunay P287.5 bilyon, Agriculture (DA, DAR) nga P239.2 bilyon, Social Welfare (DSWD ug NCSC) nga P227 bilyon, Transportation (DOTr) – P198.6 bilyon, Judiciary – P67.9 bilyon ug Labor and Employment (DOLE ug DMW) nga P55.2 bilyon.
Matod ni Pangandaman, ang pondo sumala sa sektor mao ang social services nga adunay pinakadako nga alokasyon nga P2.314 trilyon, gisundan sa economic services nga P1.868 trilyon; general public services P1.202 trilyon; debt burden P978.7 bilyon; ug defense P430.9 bilyon.
Gipasabot usab ni Pangandaman nga ang maong budget gipaningkamotan mismo ni Pangulong Ferdinand Marcos Jr., diin siya mismo ang nangulo sa konsultasyon sa nagkadaiyang ahensya sa gobyerno.
photo credits: DBM
