Gipirmahan na ni Presidente Ferdinand Marcos Jr. ang balaodnon nga nag-postpone sa Barangay ug Sangguniang Kabataan Elections (BSKE) nga gikatakda karong Disyembre 1, 2025 diin pinakasikad sa Republic Act No. 12232, ang piniliay gikatakda na karong Nobyembre 2, 2026.
Base sa bag-ong balaod, gilugwayan usab ang termino sa katungdanan sa mga piniling opisyal sa barangay ug SK gikan sa miaging tulo ka tuig ngadto sa upat ka tuig, samtang nagtakda sa limitasyon sa termino sa mga opisyal—tulo lang ka sunodsunod nga termino ang tugotan nga makaserbisyo sa samang posisyon.
Dugang pa, ang mga kasamtangang opisyal sa barangay ug SK nga anaa na sa ikatulo nilang sunodsunod nga termino dili na usab makadagan sa samang posisyon sa umaabot nga piniliay sa Nobyembre 2026.
