Gipasalig ni Presidente Ferdinand Marcos Jr. nga dili moatras ang Pilipinas sa bisan unsang hulga. Mao kini ang tubag sa Presidente human sa bag-ohay pa lamang nga pag water-cannon sa China sa usa ka barko sa BFAR.
Gisubli usab sa Presidente, nga dili gayud matarog ang Pilipinas bisan pa man sa padayon nga pagpanghasi sa China sa mga barko niini sa West Philippine Sea (WPS).
Matod niya dili moatras ang mga barko sa Pilipinas gikan sa Bajo de Masinloc, ilabi na nga ana kini sa exclusive economic zone sa Pilipinas.
Gisiguro sa Presidente nga padayon nga makita sa China ang presensiya sa mga sakyanang pang-dagat sa nasud sa teritoryo niini, tungod padayon nga panghingusgan sa Pilipinas ang sovereign rights sa West Philippine Sea.
Matud pa sa Presidente nga ang gihimo sa Pilipinas mao lamang ang pagdepensa sa kaugalingon gikan sa harassment nga ginahimo batok sa katawhan sa nasud.
Dugang pa, wala gayud magpakita ang nasud og kaagresibo human sa tensyon tali sa China ug Taiwan. Ang Presidente miingon nga nangandam ang Pilipinas tungod kay unsa man ang resulta sa maong panagbangi, maguyod ang nasud ngadto sa kagubot.
Gitataw sa pangulo nga walay mahimo ang Pilipinas ilabina nga adunay mga Pilipino nga nagpuyo sa maong mga nasud.
photo credits:newsinfo.inquirer.net
