Misaka na sa 114 ang kaso sa leptospirosis sa rehiyon sa Central Visayas, sumala sa Department of Health Region 7.
Base sa datos gikan Enero hangtod Agosto 5, 2025 nga gipaguwa ni Dr. Jonathan Neil Erasmo, kadaghanan sa mga biktima niini ang mga lalaki nga naglangkob sa 114 ka kaso o 81%, samtang 27 ka kaso o 19% lang ang mga babaye.
Mas daghan matud pa ang natala nga kaso sa mga dakbayan sa Cebu ug Mandaue. Kini nga ihap mas taas kung ikumpara sa samang panahon sa 2024 nga 89 lamang ka kaso ang nareport.
Gipasabot sa DOH nga ang pagsaka sa kaso posibleng resulta sa kusog nga mga pag-ulan ug pagbaha nga miigo sa rehiyon sa miaging mga semana.
Gi-awhag ang tanan nga likayan ang pagtabok o paglangoy sa baha, labi na kung adunay samad sa panit.
Sigurohon nga limpyo ug luwas imnon ang tubig, ug magpa-konsulta gilayon sa doktor kung makasinati ug hilanat, kasakit sa kalawasan, gibating sakit sa mata, o uban pang sintomas sa leptospirosis.
