Nasadsad ang usa ka cargo ship sa mabaw nga bahin sa kadagatan sa Barangay Matandang Siruma, San Miguel Bay, Camarines Sur, kaniadtong Agosto 7, 2025 matod sa Philippine Coast Guard (PCG).
Subay sa report sa Coast Guard District Bicol, luwas ug anaa sa maayong kondisyon ang 13 ka mga tripulante sa LCT Golden Phoenix, nga nagdala og construction materials.
Sumala sa PCG, kusog nga balud ug hangin ang hinungdan sa insidente, nga daling girespondehan sa Coast Guard ug nakig alayon kini sa lokal nga kagamhanan.
Samtang nalangan ang inisyal nga inspeksyon sa barko tungod sa dili maayong kahimtang sa panahon.
Dugang niini walay oil spill nga natala, apan ang PCG padayon nga nag monitor sa lugar aron malikayan ang pulosyon nga maoy hinongdan nga maapektohan ang kadagatan.
