𝐃𝐔𝐇𝐀 𝐊𝐀 𝐁𝐀𝐑𝐊𝐎 𝐒𝐀 𝐂𝐇𝐈𝐍𝐀, 𝐍𝐀𝐆𝐁𝐀𝐍𝐆𝐆𝐀; 𝐏𝐇𝐈𝐋𝐈𝐏𝐏𝐈𝐍𝐄 𝐂𝐎𝐀𝐒𝐓 𝐆𝐔𝐀𝐑𝐃 𝐒𝐇𝐈𝐏, 𝐒𝐔𝐁𝐋𝐈𝐍𝐆 𝐆𝐈𝐒𝐔𝐋𝐀𝐘𝐀𝐍 𝐎𝐆 𝐖𝐀𝐓𝐄𝐑 𝐂𝐀𝐍𝐍𝐎𝐍

Nagbangga ang duha ka barko sa China human gigukod ang barko sa Philippine Coast Guard. Makit-an sa video nga ang China Coast Guard (CCG) ship (3104) nga nibangga sa People’s Liberation Army Navy (PLA/Chinese Navy) ship 164.

Sumala kang Philippine Coast Guard (PCG) spokesperson for the West Philippine Sea (WPS) Commodore Jay Tarriela, gisulayan nga i-water cannon sa China ang BRP Suluan (MRV 4406). Butyag ni Tarriela, gigukod sa CCG vessel ang BRP Suluan sa dihang nahitabo ang insidente.

Imbes nga madakpan ang barko sa PCG, nibangga na hinoon kini sa barko sa Chinese Navy, nga maoy hinungdan sa pagkaguba sa atubangang bahin sa barko sa CCG.

Gilayon usab nga naghanyag og tabang ang Philippine Coast Guard sa mga sakay sa CCG. Malaumon usab og paspas nga recovery kung aduna man nasamdan sa China Coast Guard.

Sumala ni Tarriela, ang BRP Suluan maghatud unta og tabang sa 35 ka mga mananagat nga Pilipino sa Bajo de Masinloc alang sa “Kadiwa Para sa Bagong Bayaning Mangingisda (KBBM)” initiative.

Samtang, gi-escort usab ang mga Pilipinong mananagat sa BRP Teresa Magbanua (MRRV-9701) sa mas luwas nga lugar.

photo courtesy:PCG