Kapin sa 200 ka mga bata ang nakadawat sa pahalipay gikan sa RSV Group of Companies atol sa pagpahigayon sa 2nd Quarter Activity niini kon diin gipahigayon didto sa Sitio Kinate, Barangay Alanib, Lantapan, Bukidnon.
Gipang-apud-apod ang mga school supplies, bitamina, pagkaon ug daghang pang mga freebies ngadto sa mga Pre-schooler, kindergarten lakip ang mga estudyante nga nagtungha gikan Grades 1 hangtud 6.
Gipangunahan mismo sa CEO and President Sir Richard S. Villaronte kauban sa tibuok niyang pamilya ang paghatud sa tinuoray ug kinasing-kasing nga Serbisyo Publiko ngadto sa mga estudyante lakip na sa mga residente sa maong lugar.
“Kalipay namo ang mohatag dili tungod kay nanobra mi apan tungod kay kahibalo mi sa bation nga kalipay kon kita hatagan” bulawanong pamahayag ni Sir RSV.
Daku usab ang pasalamat sa mga residente nga sila ang napilian aron mahatdan sa kinasing-kasing nga tabang. Makita usab ang walay puas nga kalipay sa mga hulagway sa mga kabataan lakip na ang mga ginikanan.
Kini nga kalihukan usa kini sa mantra sa RSV Group of Companies kon diin walay laing tumong ug tuyo kondili ang paghatud sa tinuoray nga Serbisyo Publiko ngadto sa mga pinalangga namong mga KaJuander kinsa padayon usab sa kanunay sa ilahang walay puas nga pagsuporta sa RSV Group of Companies.
