𝗧𝗘𝗡𝗡𝗜𝗦 𝗦𝗨𝗣𝗘𝗥𝗦𝗧𝗔𝗥 𝗡𝗢𝗩𝗔𝗞 𝗗𝗝𝗢𝗞𝗢𝗩𝗜𝗖, 𝗡𝗜-𝗪𝗜𝗧𝗛𝗗𝗥𝗔𝗪 𝗦𝗔 𝗔𝗧𝗣 𝗖𝗜𝗡𝗖𝗜𝗡𝗡𝗔𝗧𝗜 𝗠𝗔𝗦𝗧𝗘𝗥𝗦

Mi-withdraw na sa ATP Cincinnati Masters ang tennis superstar nga si Novak Djokovic.

Gikumpirma sa mga opisyal sa torneyo ang desisyon sa 38-anyos nga tennis legend apan wala gipagawas ang hinungdan sa iyang pag-atras.

Ang beteranong tennis star wala pa makaapil sa torneyo sukad sa semi-finals sa Wimbledon, apan nakatakda gihapon siyang modula sa US Open, diin magsugod ang main draw karong Agosto 24.

Bisan pa nga wala magdula sa gikatakda nga torneyo si Djokovic, naggunit gihapon kini og impresibong 45-12 win/loss tournament record sa ATP Masters 1000.

Ulahi niyang pagsalmot sa maong torneyo niadtong 2023, asa iyang gipildi ang manghod nga si Carlos Alcaraz.

Pipila sa mga tennis stars nga gikatakdang modula sa maong torneyo mao sila si defending champion Jannik Sinner, Alcaraz, ug uban pa.

Ang ATP Cincinnati Masters karong tuiga molungtad hangtod Agosto 8.

photo credits: news.sky.com