KIDAPAWAN CITY- Gibisita sa Lokal nga Panggamhanan sa Kabacan ang pito ka mga buy and sell, aron sa pag-calibrate ug pagtino sa sitwasyon sa timbangan.
Matod pa ni Kabacan Mayor Evangeline Guzman, ang pagpahigayon og calibration ug inspection sa business sector usa ka regular nga programa sa gobyerno.
Kini usa usab ang pamaagi aron masiguro nga sila matinud-anon ug patas sa ilang paghatag og serbisyo.
Kalabot niini, sa pito nga gisusi, walay nakitang anomalya sa timbangan.
Gipaniguro sa Mayor, nga padayong magpahigayon og surprise monitoring ug inspection ang Lokal nga Panggamhanan sa tanang establisemento sa maong munisipyo.
photo credits: Unlad Kabacan
