Na directiva del Alcalde Khymer Adan Olaso para na urgent road repairs, El Chief of Staff y Secretary to the Mayor Celso Lobregat ya encabesa el inspection del maga camino na Centro del Pueblo en particular na Nuñez Street para na Don Pablo Lorenzo y para na City Hall.
El inspection ya condusi junto na maga officiales desde DPWH First Engineering District, City Engineer’s Office, y Zamboanga City Water District, parte este na initiativo para man address el condition del camino.
Ya anuncia tambien si Lobregat cay el Asphalt Patching hay condusi denoche para menora el traffic disruption.
Parte este na stratehiya del Administration Olaso para menora el trafico y para asegura el seguridad na camino.
Photo Courtesy : City Government of Zamboanga
