Andam na matud pa ang Bureau of Internal Revenue (BIR) nga imbestigahan kung dunay tax evasion sa mga negosyo ni Atong Ang kung kini gikinahanglan.
Kahinumduman nga nag-atubang si Ang sa reklamong murder, serious illegal detention, ug uban pa nga adunay kalabutan sa pagkawala sa mga sabungero pipila katuig na nilabay.
Sumala ni Bureau of Internal Revenue Commissioner Jun Lumague, nga ginalantaw sa BIR ang tanan panahon nga adunay impormasyon.
Mao nga ila usab kining tan-awon, tanan nga adunay kalabutan niini sanglit buot ra usab masiguro sa maong buhatan nga nagbayad ang tanan sa saktong buhis.
Samtang giklaro usab sa BIR nga wala pay request ang Department of Justice (DOJ) nga buhaton kini.
