Usa ka 17-anyos nga lalaki nga giilang si Ashik Gavai gikan sa India, ang nabutang sa record book sa medisina human kini naibtan og 232 ka ngipon gikan sa iyang gums sa baba.
Nahitabo ang talagsaong operasyon human sa iyang tuig nga pag-antos sa sakit sa iyang papangig.
Atol sa pito ka oras nga operasyon, nadiskubrehan sa mga doktor nga si Ashik adunay compound odontoma, usa ka matang sa tumor nga motubo sa papangig.
Ang tumor ni Ashik maoy nagmugna sa gatosan ka gagmayng ngipon.
Gihulagway sa mga doktor ang iyang kaso isip usa sa pinakatalagsaon sa kasaysayan sa medisina sa ngipon.
Bisan og dili cancerous ang tumor, apan peligro gihapon kini.
Mahimo kining makababag sa normal nga pagtubo sa ngipon ug moresulta sa grabe nga kasakit ug deformation.
Sa gihapon nagmalampuson ang operasyon ug dali rang naulian si Ashik.
Gihingusgan sa mga doktor ang kamahinungdanon sa regular nga dental check-up aron malikayan ang susamang komplikasyon.
Ang kaso ni Ashik nahimong usa ka inspirasyon ug usa ka extraordinary nga kasinatian sa modernong dentistry.
