MALAYBALAY CITY- Patay ang usa ka driver sa motorsiklo, samtang pabilin pang nagpaalim sa balay tambalanan ang angkas niini, human mibangga sa nakaparada nga truck ala 1:20 sa kaadlawon Agosto 6, 2025 sa National Highway, Purok 1A, Barangay Colonia, Valencia City, Bukidnon.
Gimanehoan ang maong motorsiklo Euroe 125, sa 19 anyos, lalaki, walay lisensiya ug residente sa San Fernando uban sa iyang back rider, 35 anyos, ug residente sa Camp Evangelista, Patag, Cagayan De Oro City.
Sa inisyal nga imbestigasyon nasayran nga ang duha ka mga sakyanan nagbiyahe sa samang direksyon gikan sa Valencia City paingon sa Maramag dihang sa pag-abot sa nahisgutang dapit aksidenting nasungag sa motor ang nakaparada nga dump truck kilid sa dalan nga dunay early warning device ug nakahazard light.
Tungod niini, nakaangkon og samad sa nagkadaiyang parte sa kalawasan ang driver ug back rider sa motor nga gidala sa hospital apan ang driver gideklarar nga dead on arrival sa attending physician.
Sa karon nakakostudiya sa Valencia City Police Station ang driver sa truck lalaki, 35 anyos, walay lisensya sa pagmaneho ug residente sa P-1, Panadtalan, Maramag.
Photo credits: Valencia City Police Station
