PAGADIAN CITY- Pabilin nga gawasnon pa ang suspetsado nga namusil-patay sa usa ka 44 anyos nga lalaki nga natigayon sa may Purok 1, Barangay Beray, Dinas, Zamboanga del Sur, niadtong nakalabay nga adlaw. Ang suspetsado nailang si alyas Ireneo, 62 anyos, samtang ang biktima naila nga si Zalde, 44 anyos, ug usa ka mag-uuma.
Sa inisyal nga imbestigasyon, ang suspetsado ug ang biktima susamang mitambong sa usa ka birthday celebration sa Barangay Legarda 2, apan sa kalit nga sila nanaglalis sa wala gibutyag nga rason.
Sa diha nga mibiya na ang biktima gikan sa maong lugar gikataho nga gisundan kini sa suspetsado ug gipusil ang biktima sa makadaghan nga higayon gamit ang 9mm nga pistola ug giluba pa ang biktima pagpaniguro nga makabsan kini sa kinabuhi.
Human sa panghitabo, ang suspetsado misibat sa wala matinong direksyon, samtang wala na nasalbar pa ang kinabuhi sa biktima.
Naglusad gilayon ang kapulisan sa Dinas MPS kauban ang supporting units, ug manhunt operation aron madakpan ang suspetsado nga mihimo sa kremin.
Samtang personal nga panagbangi ang gituohang motibo sa kapulisan nga nahitabo ang maong insidente.
