Namatikdan sa Philippine Coast Guard ang usa ka Chinese research vessel nga gitawag og Xiang Yang Hong 05 samtang nagpatrolya sila sa kadagatan isip kabahin sa ilang maritime domain awareness patrol kaniadtong Sabado.
Matud pa ni Commodore Jay Tarriela, tigpamaba sa PCG alang sa West Philippine Sea, nakit-an ang barko sa gilay-on nga 14.92 nautical miles gikan sa Babuyan Island.
Miduol ang PCG aircraft ug naghimo og radio challenge, apan wala kini tubaga sa Chinese vessel.
Dugang pa ni Tarriela, ang Xiang Yang Hong 05 unang nisulod sa Philippine Exclusive Economic Zone niadtong Hunyo 7, ug milarga sa maong dapit niadtong Hunyo 9.
Human niini, nagsugod kini og marine scientific research sa Pacific Ocean ug misulod pag-usab sa EEZ niadtong Hulyo 31.
source: BEA PENIZA
Photo courtesy:PCG
