Ginahisgutan sa Department of Agriculture ug National Food Authority ang posibilidad nga mahatagan na ug 20 pesos nga bugas ang mga Public Teacher, gisulti kini sa DA Assistant Secretary Arnel De Mesa sa usa ka press conference sa Quezon city.
Sumala pa ni De Mesa, nga ginatarget nila nga mabaligyaan ug 20 pesos nga bugas ang mga mangtutudlo sa pampubliko nga eskwelahan sa tibuok nasud.
Dugang pa niya nga nabuhat nila sa mga Senior Citizen, PWD, Solo parent ug miyembro sa 4Ps ang maong programa ug gusto sad nila na mahatagan ang mga maestro ug maestra sa tibuok nasud.
Gina-asahan sad karung bulana o karung Agosto 13 nga makapalit na ug aduna nay access ang mga local nga maguuma sa 20 pesos nga bugas sa Region 2 ug Region 3.
