𝐁𝐀𝐑𝐊𝐎 𝐒𝐀 𝐂𝐇𝐈𝐍𝐀, 𝐍𝐀𝐌𝐀𝐓𝐀𝐀𝐍 𝐒𝐀 𝐏𝐂𝐆 𝐒𝐀 𝐁𝐀𝐁𝐔𝐘𝐀𝐍 𝐈𝐒𝐋𝐀𝐍𝐃

Nagpahigayon og maritime patrol ang Philippine Coast Guard pinaagi sa ilang eroplano ubos sa mando ni Admiral Ronnie Gil Gavan, niadtong Agosto 2, 2025.

Sa maong pagbantay, ilang namataan ang usa ka barkong pang-research sa China nga gitawag Xiang Yang Hong 05, nga nahimutang 14.92 nautical miles gikan sa Babuyan Island. Gitawagan kini pinaagi sa radyo, apan wala kini mitubag o misunod sa pasidaan.

Matud pa sa PCG, unang nakasulod kini nga barko sa Philippine Exclusive Economic Zone (EEZ) niadtong Hunyo 7 ug mibalik pag-usab sulod sa teritoryo niadtong Hulyo 31 ning tuig kasamatangan.

Sa pinakabag-o nga update karong Agosto 3, gitrack ang barko nga anaa na sa 86 nautical miles gikan sa Calayan Island.

Nasayran nga ang barko giingong gi-convert gikan sa cargo vessel, ug nagduda ang otoridad sa ilang lihok hilabi na sa sensitibo nga katubigan sa nasud.

photo courtesy:PCG