Gibutyag sa Bureau of Treasury (BTr), nga nikabat na sa P17 trilyon ang kinatibuk-ang utang sa nasod diin ang nasangpit nga mga numero natala niadtong bulan sa Hunyo.
Gumikan sa taas nga lokal nga pagpangutang aron mapun-an ang gitawag nga fiscal shortfall, Adunay 2.1 porsyento nga binuwan nga pagtaas sa utang sa nasud hangtod nga niabot sa P17.27-Trilyon, usa ka bag-ong rekord nga masulting anaa na sa pag-usbaw.
Dugang pa sa BTr nga sa pagsugod sa tuig, nitaas og 7.6 porsiyento o P1.2 trilyon ang utang sa Pilipinas.
Base sa datus sa ahensya, nitaas og 1.4 porsiyento ang domestic borrowing o bugti sa P11.95 trilyon.
Samtang ang utang sa gawas misaka og 3.5 porsyento kon bugti sa P5.32 trilyon.
Giklaro usab sa BTr nga bisan sa pagsaka sa utang, nagpabilin gihapon nga malungtaron matud pa ang gobyerno sa nasud.
