Gipahimangnoan ang mga turista ug residente nga likayan ang palibot sa bulkan nga Kanlaon, bisan pa sa katapusan nga pagpaubos sa pagpaalerto niini, gikan sa ahensya sa Philippine Institute of Volcanology and Seismology (Phivolcs). kaniadtong gabii sa Hulyo 29 2025.
Gipaubos na sa Phivolcs ang alerto sa bulkan gikan sa miaging Alert Level 3 o magmatic unrest ngadto sa moderate level sa volcanic unrest o Alert Level 2.
Gisunod usab sa Phivolcs ang maong advisory pinaagi sa bag-ong pahimangno ug gipahimangnoan ang mga residente ug turista bahin sa mga kapeligrohan ug hulga sa Kanlaon, ilabi na sa 4-kilometer radius permanent danger zone niini.
Matod sa Phivolcs, delikado gihapon ang sitwasyon sa palibot sa bulkan tungod kay nagpabilin ang posibilidad sa mahuyang nga pagbuto o pagbuga sa aso ug mga materyales sa bulkan.
Kahinumduman nga niadtong Disyembre 9, 2024, gipasaka sa Phivolcs ang Alert Level 3 alang sa bulkan human sa kusog nga pagbuto niini.
Nagpadayon ang alerto hangtod kagahapon sa dihang gipaubos na kini sa Alert Level 2.
Source:Reuters
Photo:philnews.ph
