𝗚𝗔𝗠𝗜𝗡𝗚 𝗜𝗡𝗗𝗨𝗦𝗧𝗥𝗬 𝗦𝗔 𝗡𝗔𝗦𝗢𝗗, 𝗡𝗜𝗞𝗜𝗧𝗔 𝗢𝗚 𝗞𝗔𝗣𝗜𝗡 𝗣𝟮𝟬𝟬𝗕 𝗦𝗔 𝗨𝗡𝗔𝗡𝗚 𝗕𝗔𝗛𝗜𝗡 𝗦𝗔 𝟮𝟬𝟮𝟱 𝗧𝗨𝗡𝗚𝗢𝗗 𝗦𝗔 𝗢𝗡𝗟𝗜𝗡𝗘 𝗕𝗘𝗧𝗧𝗜𝗡𝗚

Mikita og P214.75 bilyon gikan sa Enero hangtod Hunyo 2025 ang industriya sa pasugalan sa Pilipinas, sumala sa datos gikan sa Philippine Amusement and Gaming Corporation o PAGCOR.

Nitaas kini og 26% gikan sa P171B sa samang panahon sa miaging tuig. Pinakadakong natampo mao ang sektor sa electronic gaming sama sa e-games, e-bingo, ug bingo, nga nakakuha og P114.83B o 53.47% sa kinatibuk-ang kita.

Ang mga lisensyadong casino, lakip na ang sa Metro Manila, Clark, Cebu, La Union, ug Rizal, niambag usab og P93.36 bilyones o 43.47%.

Samtang, P6.56B o 3.06% nga kita nag-gikan sa PAGCOR-operated casinos. Matud pa ni PAGCOR Chairman Alejandro Tengco, ilang tumong mao ang pagsiguro nga ang pag-uswag sa industriya nakasubay sa responsableng pagdula.

Kabahin niini, nakigsabot ang PAGCOR sa Ad Standards Council aron hugtan ang regulasyon sa mga advertisement sa sugal ug gimando nga tangtangon ang mga ads sa sugal gikan sa mga pampublikong lugar ug primetime TV bag-o ang Agosto 15 ning tuiga.

Source: PAGCOR

Photo:istock