𝗣𝟲𝟴𝟬𝗞 𝗡𝗚𝗔 𝗦𝗛𝗔𝗕𝗨 𝗡𝗔𝗞𝗢𝗠𝗣𝗜𝗦𝗞𝗔 𝗦𝗔 𝗠𝗔𝗡𝗔𝗚𝗟𝗔𝗛𝗜𝗡𝗚 𝗢𝗣𝗘𝗥𝗔𝗧𝗜𝗢𝗡, 𝗗𝗨𝗛𝗔 𝗞𝗔 𝗦𝗨𝗦𝗣𝗘𝗞 𝗦𝗜𝗞𝗢𝗣

CAGAYAN DE ORO CITY- Mokantidad sa P680k ang nakumpiska nga ilegal nga druga sa gilusad nga operation sa Police Regional Office 10 sa managlahing lugar sa rehiyon.

Sikop ang usa ka high value target, sa gilunsad nga buy-bust operation didto sa Zone 3, Barangay 17, Cagayan de Oro City niadtong nakalabay nga adlaw.

Nakompiska gikan sa suspek ang disi sais nga pakete sa gituohang shabu nga mubalor sa P340 thousand ug buy-bust money nga P1,000. Gawas sa suspek ginapangita sab ang 21 anyos nga anak niini kinsa nakaikyas atol sa operasyon.

Sa pikas bahin, nasapon usab sa kapulisan si alyas “Alvin”, residente sa Marawi City sa gipahigayon buy-bust operation didto sa Barangay Saray, Iligan City.

Nakuha gikan sa suspek ang gibana-banaang 50 gramos sa gituohang shabu nga mubalor sa P340 thousand.

Pareho nang nagtingkagol sa prisuhan ang mga dinakpan kinsa mag-atubang og kasong paglapas sa Republic Act 9165 kon Comprehensive Dangerous Drugs act of 2002.

Source: PRO10