Gisaad ni Pangulong Ferdinand “Bong-bong” Marcos Jr., ang hatagan ug dugang capital o puhunan ang tanang mga Micro Small and Medium Enterprises (MSMEs) sa tibuok nasud.
Kini ang una niyang gibutyag atol sa gipahigayong ika-upat nga State of the Nation Address (SONA) 2025 sa Batasan Pambansa, Quezon City, adlaw’ng lunes, Hulyo 28, 2025.
Gisaysay ni PBBM, numero unong katuyuan niini aron matabangan ang mga gagmay’ng mga negosyante nga mapalambo ang ilang ginagmay nga negosyo aron makatabang sa ekonomiya sa nasud.
Magdugang usab siya ug pondo alang sa mga livelihood programs alang sa nanginahanglan nga mga katawhang Pilipino aron magsilbing dugang panginabuhian.
Apan kini ipaagi niya sa Department of Labor and Employment (DOLE), Department of Trade and Industry (DTI), ug sa Department of Science and Technology (DOST) ug uban pang ahensya sa gobyerno.
