Gikatahong kanunay si Koo Jun Yup maglingkod tapad sa lubnganan sa kanhing aktres nga si “SAN CHAI” nga halos gihimo nang daily routine niini. Ang mga nakakita nag-ingon nga hilabihan ang kaguol niini, kadaghanan sa iyang oras anaa sa maong dapit, nga miresulta na nga nahimong tanned ang kolor sa iyang pamanit. Ang mga taho nagkanayon nga nangita kini og duol nga balay nga iyang kapoy-an.
Ang South Korean singer-songwriter, nailhan usab nga DJ Koo, mihunong na sa iyang mga kalihokan sa Taiwan, ug giingong nawad-an og gana pagkahuman sa kamatayon sa iyang asawa.
Ang Taiwanese nga aktres nga si Barbie Hsu namatay niadtong Pebrero 2, 2025. Usa siya ka artista nga naila sa iyang papel isip San Chai sa 2001 nga bersyon sa “Meteor Garden.”
Si Barbie Hsu ug Korean rapper nga si DJ Koo nagkarelasyon gikan niadtong 1998 hangtod sa ilang panagbuwag niadtong 2000. Apan 20 ka tuig ang milabay,nibalik ang ilang sparks, pagkahuman sa diborsyo ni Barbie, ug sa katapusan nagpakasal sila niadtong 2022, diin dul-an tulo ka tuig ang ilang panag-uban isip bana ug asawa sa wala pa namatay ang aktres.
Photo credit:mothership.sg
