Gitawag nga labing karaan nga orangutan sa kalibotan, si Bella, nga nagsaulog sa iyang ika-63 nga adlawng natawhan. Gikumpirma sa Guinness World Records nga ang Sumatran orangutan nga si Bella mao ang βOldest Orangutan in Captivityβ sa edad nga 63.
Si Bella nadakpan sa lasang niadtong 1964 ug gidala sa Hagenbeck Zoo sa Hamburg, Germany. Sukad niadto, didto na siya nagpuyo hangtod karon. Gibanabana nga si Bella natawo niadtong 1961.
Sa pagsaulog sa iyang adlawng natawhan, giandaman si Bella og birthday cake nga ginama sa soft-boiled rice nga adunay nagkadaiyang prutas. Gikaon niya kini uban sa usa sa iyang mga sinagop nga si Berani.
Daghan ang nakadayeg sa taas nga kinabuhi ni Bella, tungod kay ang kasagarang kinabuhi sa orangutan 40-50 ka tuig ra. Nakuha ni Bella ang iyang titulo sa Guinness World Record kaniadtong 2021 sa dihang si Inji, usa ka babaye nga orangutan sa Oregon Zoo sa U.S., namatay.
Sumala sa mga magbalantay ni Bella, buotan siya, intelihente, ug dili agresibo. Gitawag siya nga “supermom” sa Hegenbeck Zoo tungod kay gawas sa pagpanganak sa unom ka mga anak, siya ang nag-atiman sa upat ka bata nga orangutan nga gibiyaan sa ilang mga inahan.
Tungod kay tigulang na si Bella ug gamay ra ang ngipon, ang iyang paboritong pagkaon mao ang semolina nga lugaw.
Source:guinnessworldrecord.com
