Dako ang posibilidad nga iapil ni Presidente Ferdinand Marcos Jr. ang resulta sa iyang biyahe ngadto sa Estados Unidos sa iyang umaabot nga State of the Nation Address, ilabi na kon dako kini og epekto sa ekonomiya ug internasyonal nga pakigtambayayong sa Pilipinas.
Kini sumala pa ni Executive Secretary Lucas Bersamin, dungan sa pag-ingon nga nagdepende kini kung adunay mga konkretong kalambuan nga mahimong ipaambit sa publiko kalabot sa nasangpit nga foreign trip.
Nasayran nga anaa karon sa Amerika ang Presidente alang sa usa ka opisyal nga biyahe, isip labing unang ASEAN head of state nga giimbitar ni US President Donald Trump sukad siya milingkod pag-usab.
Samtang, gipasalig usab ni Executive Secretary Bersamin nga personal nga gitutokan sa Presidente ang pagpangandam sa iyang ikaupat nga SONA karong umaabot Hulyo 28.
ctto:journalnews.com.ph
