𝗣𝗔𝗚𝗣𝗔𝗗𝗔𝗟𝗜 𝗦𝗔 𝗜𝗠𝗣𝗘𝗔𝗖𝗛𝗠𝗘𝗡𝗧 𝗖𝗔𝗦𝗘 𝗡𝗜 𝗩𝗣 𝗦𝗔𝗥𝗔, 𝗗𝗜𝗟𝗜 𝗧𝗥𝗔𝗕𝗔𝗛𝗢 𝗦𝗔 𝗦𝗘𝗡𝗔𝗗𝗢- 𝗘𝗦𝗖𝗨𝗗𝗘𝗥𝗢

Niinsister Si Senate President Francis “Chiz” Escudero nga dili trabaho sa Senado ang pagdali sa proseso sa impeachment batok kang Bise Presidente Sara Duterte.

Matod ni SP Escudero, tungod lang kay dunay mga tawo o grupo nga gustong mopadali sa impeachment wala magpasabot nga kinahanglan na silang magdali.

Matod nila ipahigayon nila ang impeachment subay sa saktong proseso. Gipasalig usab sa lider sa Senado nga magpadayon ang impeachment proceedings sa Bise Presidente subay sa balaod.

Gipasabot ni SP Escudero nga iyang gisugyot nga sugdan ang impeachment trial sa Agosto 4 aron mahatagan ug panahon nga mapadala ang pahibalo sa mga partido nga nalambigit sa husay.

Hinuon iyang giklaro nga dili pa final ang nasangpit nga petsa tungod kay matod niya ila pa kining hisgutan sa plenaryo. Samtang, nagtuo si SP Escudero nga mahimong mapasar sa 20th Congress ang impeachment ni VP Sara.

ctto:manilastandard.net