Gipasalig sa National Food Authority nga adunay igong suplay sa bugas ang nasud bisan pa sa dili maayo nga panahon. Sa samang higayon, gikompirmar ni NFA Administrator Larry Lacson nga usa sa ilang mga bodega sa Occidental Mindoro ang gibahaan apan giingong nihubas na ang tubig sa nahisgotang lugar.
Samtang, si Administrator Lacson niingon nga daghang local government units, sama sa Puerto Princesa City, ang nangayo na og rice stock isip pagpangandam sa mga kalamidad nga posibleng moigo sa ilang tagsa-tagsa ka lugar.
Matod niya nakig-alayon usab sila sa Department of Social Welfare and Development alang sa pag-release sa mga suplay sa bugas aron magamit sa pag-apod-apod sa mga relief goods.
ctto:balipost.com
