MALAYBALAY CITY- Hapit na maugdaw sa kalayo sa dihang napalgan ang usa ka lawas sa lalaki, pasado kapin alas 5:00 sa buntag sa P-4B Barangay Aglayan, dakbayan sa Malaybalay, Hulyo 22, 2025. Gikabutyag ni Salume Abejo kinsa nagpuyo duol sa lugar nahitabuan nga namatikdan niyang adunay nag-aso sa luyo sa ilang panimalay ug didto sa iyang pagsusi nakita ang usa ka lawas sa tawo nga nasunog.
Nakita usab sa unahan sa maong patayng lawas ang cellphone ug usa ka basiyo sa mineral water nga gituohang gisudlan ug gasolina nga gigamit sa pagsunog.
Wala pay inisyal nga taho gikan sa kapolisan sa identity sa maong biktima, samtang nagpadayon ang lawom nga imbestigasyon aron sa posibleng pag-ila niini.
Sa karon, nanawagan si BPSO-Chief Rufil Yurong sa katawhan Barangay Aglayan, kinsa kadtong adunay nawad-ag kabanay o dunay kasayuran sa nahitabo makig-koordinasyon sa kapolisan.
