𝗚𝗢𝗕𝗬𝗘𝗥𝗡𝗢 𝗡𝗔𝗡𝗚𝗔𝗡𝗗𝗔𝗠 𝗔𝗟𝗔𝗡𝗚 𝗦𝗔 𝗣𝗢𝗦𝗜𝗕𝗟𝗘 𝗡𝗚𝗔 𝗣𝗔𝗚𝗧𝗨𝗞𝗢𝗗 𝗦𝗔 𝗨𝗦 𝗢𝗚 𝗔𝗠𝗠𝗨𝗡𝗜𝗧𝗜𝗢𝗡 𝗣𝗥𝗢𝗗𝗨𝗖𝗧𝗜𝗢𝗡 𝗙𝗔𝗖𝗜𝗟𝗜𝗧𝗬 𝗦𝗔 𝗡𝗔𝗦𝗨𝗗

Bukas ang Pilipinas sa plano sa Estados Unidos nga magtukod ug ammunition production facility sa nasud, isip kabahin sa pagpalig-on sa depensa ug ekonomikanhong relasyon.

Matod ni Philippine Ambassador to the U.S. Jose Manuel Romualdez, giaprobahan sa US Congress ang probisyon sa ilang National Defense Authorization Act nga nagtugot sa pagtukod og pasilidad sa armas sa Pilipinas nga mahimong tukoron sa Subic, Zambales.

Siya niingon nga ang kagamhanan nagtutok sa pagpangandam ilabi na kay adunay mga lokal nga kompanya nga matud pa niya nagpakita og interes nga mosalmot sa posibleng consortium alang sa maong proyekto.

Bisan og wala pay pormal nga negosasyon, si Ambassador Romualdez miingon nga ilang nakita nga kini makatabang sa pagpalig-on sa kapabilidad sa depensa sa nasud ug makamugna usab og dugang trabaho ug oportunidad sa mga Pilipino.

Una nang niingon si Palace Press Officer Claire Castro nga wala pa makaabot kang Presidente Ferdinand Marcos Jr. ang nasangpit nga sugyot, busa wala pa kini tubaga sa Presidente.

ctto:researchdive.com