𝗗𝗨𝗛𝗔 𝗞𝗔 𝗣𝗔𝗡𝗜𝗠𝗔𝗟𝗔𝗬 𝗨𝗚𝗗𝗔𝗪 𝗦𝗔 𝗡𝗔𝗛𝗜𝗧𝗔𝗕𝗢𝗡𝗚 𝗦𝗨𝗡𝗢𝗚

TANDAG CITY- Ugdaw ang duha ka panimalay human kini gilamoy sa kalayo. Giila ang mga tag-iya niini nga sila Natty Sillano ug Raquel Fernandez pulos minyo walay trabaho kasamtangang nagpuyo sa Barangay Dayo-an lungsod sa Tago Probinsya sa Surigao Del Sur. Natigayon ang maong sunog niadtong nakalabay nga adlaw.

Daling miresponde ang Bureau of Fire Protection Tago alang sa pagpalong sa kalayo pero wala na kini maapas pa kay ugdaw na ang mga panimalay sa ilang paghindangat tungod sa ka distansya sa lugar.

Base sa inisyal nga imbistigasyon ang sunog nagsugod kini sa usa ka balay. Ug nakita kini sa anak sa silingan nga nag aso na hinongdan nga dali kining nanawag ug tabang.

Gitoohan nila nga wire sa refrigerator ang hinungdan sa sunog tungod kay nakita nila nga ang likurang bahin sa refrigerator midilaab na kini.

Nasayran nga ang mga panimalay pulos kini gama sa light materials. Luyo sa maong panghitabo walay nasalbang gamit ang mga tagbalay tungod kay kalit lamang ang mga panghitabo.

Sa pagkakaron ang buhatan sa BFP Tago padayon pa sa pagpailawom sa imbistigasyon aron pagkuha sa hinungdan nga sunog ug ang damyos.

Ctto: BFP TAGO