MALAYBALAY CITY- Patay nang napalgan sulod sa ilang kaugalingong panimalay ang usa ka 21-anyos nga lalaki sa sitio Kaminungahan, Barangay Kawayan, San Fernando, Bukidnon kagahapong adlawa Hulyo 16, 2025.
Nakit-an sa mirespondeng kapulisan sa pangulo ni PCPT Jonel G. Antique, Officer-in-Charge, nga ang biktima nagluhod, kung asa naghikot sa iyang liog ug nakagapos sa kisame sa ilang balay.
Nadiskubrehan ang biktima sa iyang silingan alas 6:15 sa buntag samtang paingon kini sa uma sakay sa kabayo. Sa gipahigayon nga ocular inspection sa lawas ug ang palibot sa insidente, walaβy timailhan sa foul play sa pagpakamatay niini.
Gipadayag usab sa ig-agaw sa biktima nga hilumon ang pagkatawo ang bitkima ug kanunay mag-inom sa ilimnong makahubog nga nag-inusara, samtang alas 7:00 sa gabii niadtong Hulyo 15, 2025, nakadawat siya og mensahe gikan sa biktima nga nag-ingong mamalihog siya sa iyang anak sa ilang balay kay basin ug wala na siya pagkaugma.
Nasayrang ang amahan sa biktima namatay niadtong Marso 20, 2024 kung asa posibleng nakaapekto sa emosyonal nga kahimtang niini.
Ctto: San fernando Municipal Police Station
