Mipahigayon og gaan nga pagbansay si Filipino boxing icon Manny Pacquiao sa iyang pag-abot sa Las Vegas. Ang kanhi senador niabot sa Las Vegas niadtong Martes oras sa Pilipinas pipila ka adlaw sa dili pa ang away nila ni Mario Barrios.
Matod niya nga nihimo na siya og mga lakang aron dili makasinati og cramps sa paa. Nasinati na niya ang nahisgutang cramps sa tiil sukad pa niadtong 2004 dihang iyang giatubang si Juan Manuel Marquez.
Ang cramp sa paa mao usab ang hinungdan sa iyang kapildihan sa katapusan niyang away niadtong 2021 batok kang Yordenis Ugas.
Dugang pa niya nga sa matag away niya, duha ka butang ang iyang atubangon: ang boksidor ug ang iyang kaugalingong paa. Mao nga niingon siya nga mahitabo ang cramps tungod sa sobra nga pagmasahe.
