IPIL- Sikop ang usa ka lalaki sa gipahigayong Drug Buy-bust operation sa mga personahe sa Titay Municipal Police Station sa Purok Pag-asa, Poblacion, Titay, Zamboanga Sibugay Province, Hulyo 15, 2025.
Naila ang dinakpan nga 22 anyos, single, mag-uuma ug resident sa Purok Mangga, Poblacion,Titay kung asa nadakpan human namaligya og ginadiling droga sa mga undercover operative.
Nakumpiska gikan sa dinakpan ang 4 ka gagmay ka pakete sa gituohang shabu gibanabanang motimbang sa 1 ka gramo nagkantidad sa Php 6,800.00; walay sulod nga pack sa sigarilyo ug usa ka 500 peso bill nga marked money.
Gi-turnover na ang gituohang shabu sa Zamboanga Sibugay Provincial Forensic Unit alang sa laboratory examination, samtang ang dinakpan gidala Titay MPS alang sa pagpasaka sa tukmang kaso.
