KIDAPAWAN CITY- Wala na nakaikyas pa sa otoridad ang usa ka Top 3 Regional Level human sa gikasang drug buy-bust operation sa Purok 6, Santan St., Brgy. Mintal, Tugbok District, Davao City niadtong milabayng adlaw.
Sa taho sa Davao City Police Office, giila ang suspek nga si alyas Tingoy, hamtong ang pangidaron, residente sa Purok 18, Mintal sa nahisgutang syudad. โ
Narekober sa posisyon sa suspek ang usa ka heat sealed transparent sachet sa gitouhang shabu nga kantidad og 224,800 pesos.
Samtang narekober usab ang buy bust money nga gigamit sa maong operasyon ug mga drug paraphernalia.
Sa karon, balhog na sa Tugbok Police Station ang suspek og moatubang sa kasong paglapas sa RA 9165 o Comprehensive Dangerous Drugs Act of 2002.
