Nasikop ang usa ka 66-anyos nga Canadian National sa Ninoy Aquino International Airport (NAIA) human nakuhaan og gibanabanang P164.7 milyones nga kantidad sa gituohang shabu sa iyang mga bagahe, matod sa Philippine Drug Enforcement Agency (PDEA).
Ang suspek nga giila sa alyas nga βGrace,β niabot gikan sa Toronto, Canada agi sa Hong Kong. Gibabagan sa mga otoridad ang suspek human sa intelligence-based operation sa NAIA Inter-Agency Drug Interdiction Task Group (NAIA-IADITG).
Nakuha gikan sa iyang bagahe ang tulo ka dagkong garbage bag nga adunay sulod nga 24,231 gramos nga gituohang methamphetamine hydrochloride o shabu.
Lakip sa nasakmit mao ang iyang Canadian passport, duha ka boarding pass, cellphone, ID card, ug baggage declaration form.
Kasong paglapas sa Section 4, Article II sa Republic Act 9165 o Comprehensive Dangerous Drugs Act of 2002 ang atubangon sa suspek.
