SURIGAO CITY- Dakpan ang usa ka 24-anyos nga batan-ong lalaki atol sa gipahigayong buy-bust operation nga gihimo sa Drug Enforcement Unit (DEU) sa Dapa Municipal Police Station, niadtong Hulyo 12, 2025, bandang alas 4:30 sa hapon sa Barangay 2, Poblacion, Dapa, Surigao del Norte.
Ang maong operasyon gipangulohan ni Police Captain Violeto D. Pepito, Jr., Acting Chief of Police, nga misangpot sa pagdakop sa suspetsado nga giilang alyas Roy, lalaki, single, walay trabaho, ug residente sa Barangay 1, Poblacion, Dapa, Siargao, Surigao del Norte.
Nakuha sa posisyon sa suspetsado ang Usa (1) ka buok nga plastic transparent heat-sealed sachet nga adunay sulod nga gituhuang shabu, nga nagkantidad og Php1,121.00 (buy-bust item); Siyam (9) ka buok nga plastic transparent heat-sealed sachets nga adunay sulod nga gituhuang shabu, nga nagkantidad og Php10,091.88; Buy-bust money nga nagkantidad og Php2,000.00 usa ka Php1,000; Usa (1) ka unit nga itom nga Realme cellular phone.
Sa pagkakaron, anaa na sa kustodiya sa Dapa Municipal Police Station ang suspetsado ug ang tanan nga nakuha nga ebidensya, samtang gihikay na ang pagsang-at sa angay nga kaso batok kaniya.
