Niawhag sa nasudnong kagamhanan ang grupo sa Taal Lake Aquacultural Alliance Inc.(TLAAI) nga paspasan ang search and retrieval operations sa Taal Lake.
Kini tungod kay padayon nga nag-antos sa kapildihan ang mga mananagat ug fish vendor human narekober ang sunodsunod nga mga bag nga gidudahang dunay sulod nga mga patayng lawas sa mga nangawala nga mananagat.
Sa usa ka pakighinabi, ang tigpamaba sa TLAAI nga si Mario Balazon niingon nga sukad nigawas ang pagpadayag ni Alyas Totoy pipila ka semana ang nakalabay, padayon nga nagkunhod ang panginahanglanon sa isda tungod kay naapektuhan kin isa nagpadayong serye sa diving operations.
Lakip sa labing apektado mao ang pagpamaligya og isda nga tawilis. Bisan pa nga gibaligya sa mas ubos nga volume ang tilapia ug bangus, kon itandi sa miaging mga buwan.
Gipasabot ni Balazon nga ang maong lake adunay kinatibuk-ang gilapdon nga 24,000 ka ektarya apan dos porsiyento lang o katumbas sa napulo ka ektarya, ang gigamit alang sa aquaculture.
Mokabat lang sa napulo ka ektarya ang diving area, apan tungod sa isyu sa pagkawala sa mga sabungero, apektado ang tanang bahin sa lake.
