Nigradwar og summa cum laude Si BB Gandanghari sa kursong Bachelor of Science in Entertainment Business sa Los Angeles Film School.
Gipaambit ni BB ang maayong balita sa Instagram post niadtong Domingo, lakip ang video sa iyang graduation ceremony ug mensahe nga puno sa pasalamat ug garbo.
“Ang pagkasumma cum laude dili kung walay kakugi, disiplina, paglahutay ug determinasyon,” ingon ni BB. Gipasigarbo usab niya nga usa siya ka working student nga perfect attendance ug dili maulahi sa klase.
Gawas sa Latin honor, giila usab si BB nga Student of the Month ug miyembro sa Honor Society of Los Angeles.
Sa miaging interview ni Boy Abunda, si BB niingon nga nisulod siya sa film school aron sundon ang iyang pangandoy nga mag-produce ug magdirek.
