𝗜𝗞𝗔-𝗨𝗣𝗔𝗧 𝗡𝗚𝗔 𝗦𝗨𝗣𝗘𝗞 𝗦𝗔 𝗕𝗥𝗨𝗧𝗔𝗟 𝗡𝗚𝗔 𝗣𝗔𝗚𝗣𝗔𝗧𝗔𝗬 𝗦𝗔 𝟭𝟵 𝗔𝗡𝗬𝗢𝗦 𝗡𝗚𝗔 𝗗𝗔𝗟𝗔𝗚𝗔, 𝗡𝗔𝗦𝗜𝗞𝗢𝗣 𝗦𝗔 𝗗𝗔𝗩𝗔𝗢 𝗖𝗜𝗧𝗬

TAGUM CITY- Nadakpan na ang usa sa nagpabiling gipangitang sustpetsado sa pagpangawat ug pagpatay sa 19 anyos nga dalaga nga si Sophia Marie Coquilla, niadtong Miyerkules, Hulyo 9, 2025 sa Purok 3A, Brgy. La Filipina, Tagum City, Davao del Norte.

Subay sa report, giila ang 18 anyos nga suspek nga si Alyas “Royroy” kinsa nadakpan sa hiniusang operasyon sa mga operatiba sa Intelligence Operative sa RID-11, RSOG-11, RMFB-11, Davao Norte Provincial Intelligence Unit (DNPIU) katambayayong ang kwerpo sa Sta. Ana Police Station sa Corner Lakandula ug Lapu-Lapu Street, Barangay Agdao Proper, Davao City alas 12:05, Hulyo 12, 2025 sa udto.

Atol sa maong operasyon, nakumpiska gikan sa posisyon sa maong suspetsado ang usa ka .38 calibre revolver ug duha ka buhing bala.

Kahinumduman, nga niadtong Hulyo 11, 2025, nasikop usab ang ikatulong suspek nga giilang si Alyas “Yan-yan”, 15 anyos kinsa anaa na karon nakakustodiya sa Women and Children’s Protection Desk (WCPD).

Sa kasamtangan gipaubos na sa legal nga proseso sa mga otoridad ang ika-upat nga dinakpan alang sa mga posibleng atubangong kaso nga ipahamtang subay sa balaod.