TANDAG CITY- Patay ang usa ka 40 anyos, nga barbero human kini gidunggab didto sa Purok Over the Rainbow, Barangay Bag-ong Lungaod, Tandag City gabie sa Hulyo 11, 2025.
Giila ang biktima nga si alyas βAntonβ kinsa nakabsan sa iyang kinabuhi didto sa hospital nga gipatambalan, tungod sa lawom nga samad dinunggaban sa iyang dughan.
Sa report sa kapulisan gikan sa Tandag City Police Station (CCPS), kasamtangang gawasnon ang suspek nga giilang si alyas βJaysonβ hamtong ang pangidaron.
Base sa mga saksi nga ilang nakita ang panaglalis sa duruha nga misangpot sa away ug pagdunggab sa suspek ngadto sa biktima. Human sa krimen daling miikyas ang suspek sa dapit nahitaboan, ngadto sa wala matinong direksyon. Ang biktima, sa wala pa nabugtuan sa kinabuhi, gitudlo si alyas βJaysonβnga Β mao ang midunggab kaniya.
Sa pagkakaron, nagpahigayon na ug hot pursuit operation ang Tandag CCPS alang sa pagdakop sa suspek, samtang padayon pa usab ang makuting imbestigasyon sa maong insidente.
